ஐ.பி.எல். தொடரின் அடுத்தக்கட்டத்துக்கு செல்லும் நான்கு அணிகள்? : இதோ!

இந்த வருட ஐ.பி.எல். தொடரின் லீக் போட்டிகள் அனைத்தும் நிறைவடைந்துள்ள நிலையில், அடுத்தக்கட்டத்துக்கு நான்கு அணிகள் தகுதி பெற்றுள்ளன.

இந்த தொடரின் லீக் போட்டிகளின் 10 போட்டிகளில் வெற்றிபெற்று 20 புள்ளிகளுடன் மும்பை அணி பட்டியலில் முதலிடத்தை பெற்றுள்ளதுடன், 18 புள்ளிகளுடன் பூனே அணி இரண்டாவது இடத்திலும், 17 புள்ளிகளுடன் ஹைதராபாத் அணி மூன்றாவது இடத்தை தக்கவைத்துள்ளதுடன், கொல்கத்தா அணி 16 புள்ளிகளுடன் நான்காவது இடத்தையும் பிடித்துள்ளது.

இதன் அடிப்படையில் மேற்குறிப்பிட்ட நான்கு அணிகளும் அடுத்தக்கட்டத்துக்கு முன்னேறியுள்ளன.

இந்நிலையில் இறுதிப்போட்டிக்கு அணியை தெரிவுசெய்யும் முதலாவது போட்டி நாளை மும்பையில் நடைபெறவுள்ளது.

இந்த போட்டியில் பட்டியலில் முதல் இரண்டு இடங்களை பிடித்துள்ள மும்பை மற்றும் பூனே அணிகள் மோதவுள்ளன.

இதேவேளை அரையிறுதிக்கு தகுதிபெறும் அணியை தெரிவுசெய்யும் போட்டி நாளை மறுதினம் பெங்களூரில் நடைபெறவுள்ளது.

இந்த போட்டியில் ஹைதராபாத் மற்றும் கொல்கத்தா அணிகள் மோதவுள்ளன.

இந்த போட்டியில் வெற்றிபெறும் அணி மும்பை மற்றும் பூனே அணிகளுக்கிடையிலான போட்டியில் தோல்வியடையும் அணியுடன் மோதி இறுதிப்போட்டிக்கு தகுதிபெறும் என்பது குறிப்பிடத்தக்கது.